Saturday, August 29, 2015

Vatsavai ZP School : A Model Digital School In Andhrapradesh

కార్మిక చట్టాలు అమలుచేయాలి

కార్మిక చట్టాలు అమలుచేయాలి
Posted On Wed 26 Aug 01:18:44.011966 2015
ఎటువంటి మినహాయింపులు లేకుండా చట్టాలను కచ్చితంగా అమలు చేయాలి. ఉల్లంఘించిన వారిని కఠినంగా శిక్షించాలి. స్వాతంత్య్రోద్యమం, కార్మికోద్యమం ఫలితంగా భారత రాజ్యాంగంలో కార్మికులకు కొన్ని రక్షణలు కల్పించారు. రాజ్యాంగం ఆర్టికల్‌ 14 ప్రకారం చట్టం ముందు అందరూ సమానులే. ఆర్టికల్‌ 16లో సమానత ప్రకారం సమాన పనికి సమాన వేతనం ఇవ్వాలి. ఆర్టికల్‌ 19సి ప్రకారం సంఘం పెట్టుకునే హక్కు ఉన్నది. ఇవి గాక రాజ్యాంగం కొన్ని ఆదేశిక సూత్రాలు నిర్దేశించింది. ఇవి హక్కులుగా కాకపోయినా ప్రభుత్వం ఆ దిశలో నడవాలని ఈ సూత్రాల ఉద్దేశం. ఆర్టికల్‌ 38(1) లక్ష్యం సాంఘిక, ఆర్థిక, ఉపాధి హామీ పథకంతో పాక్షికంగానైనా ప్రారంభమైంది. 43ఎ లక్ష్యం కార్మికులకు మేనేజ్‌మెంట్‌లో భాగస్వామ్యం కల్పించటం. ఇదే విధంగా స్వాతంత్య్రోద్యమం కారణంగా, దానితోపాటు స్వాతంత్య్రానికి ముందు, ఆ తర్వాత జరిగిన కార్మికోద్యమం కారణంగా కార్మికవర్గం తన హక్కులు కాపాడుకునేందుకు అనేక చట్టాలు సాధించుకున్నది. కార్మికులకు రక్షణ కల్పించే ఈ చట్టాలు ట్రేడ్‌యూనియన్‌ చట్టం 1926, పారిశ్రామిక వివాదాల చట్టం 1947, ఇండిస్టియల్‌ ఎంప్లారుమెంట్‌ చట్టం, కంపెన్‌సేషన్‌ చట్టం 1946, ఫ్యాక్టరీ చట్టం 1948, అప్రెంటీస్‌ చట్టం 1961, వెట్టి శ్రమ చట్టం1936, కనీస వేతనాల చట్టం 1948, బోనస్‌ చెల్లింపుల చట్టం 1965, ఎంప్లాయీస్‌ కంపెన్సేషన్‌ చట్టం 1923, గ్రాట్యుటీ చెల్లింపు చట్టం 1972, ఇఎస్‌ఐ చట్టం 1948, ఇపిఎఫ్‌ అండ్‌ ఎంపి చట్టం 1952, మెటర్నిటీ బెనిఫిట్‌ చట్టం 1961, కాంట్రాక్టు లేబర్‌ చట్టం 1970, వెట్టి శ్రమ(నియంత్రణ, నిషేధం) చట్టం 1976, బాల కార్మికుల (నియంత్రణ, నిషేధం) చట్టం 1986, అసంఘటిత కార్మికుల సాంఘిక భద్రతా చట్టం 2008, మొదలైనవి. ఈ కార్మిక చట్టాలను యాజమాన్యాలు అమలు చేస్తున్నాయా, లేదా పర్యవేక్షించటం కార్మిక మంత్రి, కార్మిక శాఖ అధికారుల బాధ్యత. 1991లో పివి నరసింహారావు ప్రభుత్వం సరళీకరణ విధానాలను ప్రవేశపెట్టిన తర్వాత కార్మిక శాఖ కార్మిక హక్కుల అమలును పర్యవేక్షించే బాధ్యతను క్రమంగా తగ్గించుకుంటూ వస్తున్నది. కార్మిక శాఖ అధికారులు ఫ్యాక్టరీలను ఇన్‌స్పెక్షన్‌ చేయటం తగ్గించారు. ఇన్‌స్పెక్షన్‌ రేటు 1991లో 75.64 శాతం ఉండగా 2008 నాటికి 17.88 శాతానికి పడిపోయింది. కార్మిక శాఖకు తగినంత మంది సిబ్బంది లేనందున కార్మిక చట్టాల అమలును పర్యవేక్షించటం తగ్గుతున్నదని పార్లమెంటరీ స్టాండింగ్‌ కమిటీ నివేదిక తెలియజేసింది. అయినప్పటికీ గత యుపిఎ ప్రభుత్వంగానీ, నేటి ఎన్‌డిఎ ప్రభుత్వంగానీ దీనిని పట్టించుకోవడం లేదు. దీని ఫలితంగా కార్మిక చట్టాల ఉల్లంఘన ఎక్కువైంది. ఇప్పటికీ 69 శాతం మంది సంఘటిత రంగ కార్మికులకు చట్టబద్ధమైన కనీస వేతనాలు, ఇపిఎఫ్‌, ఇఎస్‌ఐ అమలు కావడం లేదు. కాంట్రాక్టు లేబర్‌ చట్టం ప్రకారం శాశ్వత స్వభావం గల పనికి కాంట్రాక్టు కార్మికులను కాక రెగ్యులర్‌ కార్మికులను నియమించాలి. కానీ ఈ చట్టాన్ని ప్రభుత్వ రంగ సంస్థలు, ప్రయివేటు రంగ కంపెనీలు అన్నీ ఉల్లంఘిస్తున్నాయి. ప్రభుత్వ రంగ కార్మికుల్లో 50 శాతం మంది, ప్రయివేటు రంగ కార్మికులలో 70 శాతం మంది కాంట్రాక్టు కార్మికులే. కనీస వేతనాలు, పని గంటలు, ఓవర్‌ టైం, పని ప్రదేశాల్లో భద్రత, తదితర చట్టాల ఉల్లంఘన బాహాటంగానే జరుగుతున్నది. అనేక పారిశ్రామిక, సర్వీసు యూనిట్లలో ఒటి లేకుండా 8 గంటలకు మించి రోజూ 10 లేదా 12 గంటలు పని చేయించటం పెరుగుతున్నది. అనేక పారిశ్రామిక యూనిట్లను యాజమాన్యాలు చట్టవిరుద్ధంగా మూసి వేస్తున్నాయి. అయినా కేంద్ర, రాష్ట్ర ప్రభుత్వాలు పట్టించుకోవడం లేదు. చట్టాల ఉల్లంఘన రూపంలో జరుగుతున్న ఈ తీవ్రమైన దాడి కారణంగా తయారీ రంగంలో సృష్టించబడిన నికర విలువలో కార్మికుల వేతనాల వాటా 1981-82 నాటికి 30.28 శాతం కాగా 2010-11లో 21.16 శాతానికి పడిపోయింది. కాగా ఇదే కాలంలో యాజమాన్యాల లాభం వాటా 20 శాతం నుంచి 50 శాతం పెరిగింది. కానీ ఇదే కాలంలో కార్మికుల శ్రమ ఉత్పాదకత 5 రెట్లు పెరిగింది. పార్లమెంటు ఆమోదించిన కార్మిక చట్టాలను మేనేజ్‌మెంట్లు కచ్చితంగా అమలు చేయాలని, ప్రభుత్వం ఇందుకు తగిన చర్యలు తీసుకోవాలని కార్మిక వర్గం డిమాండ్‌ చేస్తున్నది. కార్మిక చట్టాల అమలుకు 2015 సెప్టెంబర్‌ 2 సార్వత్రిక సమ్మె జయప్రదం చేయండి.
పి అశోక్‌బాబు

Friday, August 28, 2015

10 పాఠాలు తొల‌గింపులో.. గంద‌ర‌గోళం

10 పాఠాలు తొల‌గింపులో.. గంద‌ర‌గోళం

Posted On Thu 27 Aug 01:04:21.386072 2015
- ప్రభుత్వ నిర్ణయంపై సర్వత్రా వ్యతిరేకత
ప్రజాశక్తి-టెక్కలి
ప్రస్తుతం పదో తరగతి పాఠ్య పుస్తకాల్లో కొన్ని పాఠ్యాంశాలను తొలగిస్తూ విద్యాశాఖ తీసుకున్న నిర్ణయం గందరగోళంలోకి నెట్టింది. విద్యా సంవత్సరం ఆరంభమై మూడు నెలలు ముగుస్తున్న తరుణంలో పాఠ్యాంశాలు తొలగించేందుకు తీసుకున్న నిర్ణయం పట్ల పలువురు ఉపాధ్యాయులు విస్మయం వ్యక్తం చేస్తున్నారు. విద్యాహక్కు చట్టాన్ని పటిష్టంగా అమలు చేసేందుకు కసరత్తు చేస్తున్న విద్యాశాఖ అసంబద్ధ నిర్ణయాలు తీసుకోవడం, వాటిని విద్యా సంవత్సరం మధ్యలో ప్రవేశపెట్టడం చూస్తుంటే విద్యారంగం పట్ల ప్రభుత్వానికి, విద్యాశాఖ యంత్రాంగానికి అవగాహన లేదని పలువురు భావిస్తున్నారు.
విద్యార్థులకు పాఠాల బరువులు తగ్గించాలని భావించిన విద్యాశాఖ 10వ తరగతిలో ఏడు సబ్జెక్టుల్లోనూ కొన్ని పాఠ్యాంశాలను తొలగిస్తున్నట్లు ప్రకటించింది. ఈ పాఠాలను ఎందుకు తొలగిస్తున్నారో వివరణ ఇవ్వలేకపోతోంది. పాఠ్యాంశాలు తయారు చేసినప్పుడు, వాటిని ముద్రించే ముందు ఆలోచన చేయలేని విద్యాశాఖ ఇప్పుడు ఈ నిర్ణయం తీసుకోవడంలో ఆంతర్యమేమిటో అర్థం కావడం లేదు. ఈ పాఠ్య పుస్తకాలను గతేడాది ప్రవేశపెట్టగా, ఈ ఏడాది పాఠ్యాంశాలు తొలగిస్తున్నామని విద్యాశాఖ చెబుతోంది. అది కూడా విద్యా సంవత్సరం ఆరంభమై మూడు నెలలు ముగిసి, త్రైమాసిక పరీక్షలకు సిద్ధమవుతున్న తరుణంలో విద్యాశాఖ తీసుకున్న ఈ నిర్ణయంపై పలువురు ఆక్షేపణ వెలిబుచ్చుతున్నారు. ఈ నిర్ణయంతో కార్పొరేట్‌ విద్యాసంస్థలకు బలం చేకూరుతుంది. ఇప్పటివరకు ఉన్నతస్థాయి పదవులను చేపట్టిన ప్రతిఒక్కరూ ప్రభుత్వ పాఠశాలల్లో చదివినవారే. ప్రతిభా పరీక్షల్లోనూ విజయం సాధించినవారు ప్రభుత్వ పాఠశాలల్లో విద్యాభ్యాసం చేసినవారే. 
ఇందుకనుగుణంగా మేధావులు, విద్యావేత్తలు పాఠ్యాంశాలు రూపొందించారు. ఇప్పుడు అటువంటి పటిష్టమైన పాఠ్యాంశాలను తొలగిస్తే ప్రభుత్వ పాఠశాలల్లో చదువుకున్న విద్యార్థుల జ్ఞానం నిర్వీర్యమవుతుంది. ఇప్పటికే కార్పొరేట్‌ స్కూల్లో టెక్నో పాఠాలు బోధన జరుగుతోంది. అంటే కార్పొరేట్‌ స్కూల్లో ఒకవైపు ప్రభుత్వం ప్రవేశపెట్టిన సిలబస్‌ను బోధిస్తూనే మరోవైపు టెక్నో పేరుతో అదనపు పాఠ్యాంశాలు బోధిస్తున్నారు. ఈ విద్యార్థులకు లేని చదువుల భారం ఒక్క ప్రభుత్వ పాఠశాలల్లో చదివే విద్యార్థులపై ఎందుకు పడుతుందనే ప్రశ్నకు సమాధానం లభించడం లేదు. మరోవైపు ప్రయివేటు, కార్పొరేట్‌ స్కూల్లో విద్యార్థులపై చదువుల భారం పెరుగుతుంది. నర్సరీ పేరిట విద్యార్థిపై బలవంతపు విద్యను నూరి పోస్తున్నారు. 1, 2 తరగతులు చదివే పిల్లలకు కంప్యూటర్‌, జి.కె, కరెంట్‌ అఫైర్స్‌ పేర్లతో పీరియడ్లు కేటాయించి విద్యాబోధన చేస్తున్నారు. ఇక్కడ లేని చదువుల భారం ప్రభుత్వ పాఠశాలల్లో చదివే విద్యార్థులకే ఎందుకనేది ప్రశ్న.
ఇప్పటికే మారిన పుస్తకాలపై పలువురు అసంతృప్తి వ్యక్తం చేస్తున్నారు. విద్యార్థి జ్ఞానాన్ని నిర్వీర్యం చేసే పాఠ్యాంశాలతో పుస్తకాలు రూపొందాయి. ఈ పాఠాలు ఎలా ఉన్నాయంటే ప్రస్తుత విద్యార్థికి భవిష్యత్‌లో ప్రభుత్వం ఉద్యోగం కల్పించకపోతే ఉపాధి పొందడానికి వీలుగా పాఠ్యాంశాలను తయారుచ ేసింది. ఇందుకు ఉదాహరణే 6వ తరగతి సైన్స్‌ పుస్తకంలో ఉప్మా, పులావ్‌, హల్వా తయారీ వంటి వంటకాలతో పాఠ్యాంశాలున్నాయి. అంటే ఒక రకంగా ప్రభుత్వం ఉద్దేశం 'భవిష్యత్‌లో ఉద్యోగాలు కల్పించలేం, ఉపాధి పొందండి' అని సూత్రప్రాయంగా చెబుతోంది. ఇటువంటి పాఠ్యాంశాలతో ఇప్పటికే విద్యా రంగాన్ని నిర్వీర్యం చేసే ప్రభుత్వం తాజాగా మరిన్ని పాఠాలు తొలగిస్తున్నట్లు ప్రకటించడం విస్మయానికి గురిచేస్తుంది. విద్యా శాఖా మంత్రిగా గంటా శ్రీనివాసరావు ఉన్నప్పటికీ నారాయణ విద్యాసంస్థల అధినేత, మున్సిపల్‌ శాఖా మంత్రి నారాయణ ఆలోచనలు విద్యారంగంపై పడడం పలు సందేహాలకు తావిస్తోంది. పదిలో తొలగించామని చెబుతున్న పాఠాలు ఇప్పటికే తరగతి గదిలో బోధన పూర్తయ్యాయి. ప్రస్తుత తరుణంలో పాఠ్యాంశాలు తొలగింపుతో గందరగోళం ఏర్పడుతోంది. ఏదేమైనా రోజుకొక ఉత్తర్వులతో విద్యాశాఖ తీసుకుంటున్న నిర్ణయాలు విద్యార్థుల్లోనూ, ఉపాధ్యాయుల్లోనూ ఆందోళనకు దారి తీస్తున్నాయి.

Saturday, August 22, 2015

ACT NEWS


Computer Teachers met the Honorable Chief Minister Sri NARA CHANDRABABU NAIDU GARU, Govt chief adviser Sri Parakala Prabhakar, the Minister for Labour Kinjarapu Atchannaidu & Sri Nara lokesh.

smile      smile  smile smile smile smile smile smile smile smile smile smile smile smile